Cendirmeyên Tirkiyeyê li nêzîkî gundê Hemamê yê Cindirêsa Efrînê, gule li hinek welatiyên Sûriyeyê barandin.
Di encama gulebaranê de 2 kesan canê xwe ji dest da û kesek jî birîndar bû.
Li gorî çavkaniyên Rêveberiya Xweser, bûyerê şeva borî rû daye û van kesan dixwest derbasî Bakurê Kurdistanê bibin.
Navê kesekî ku hatiye kuştin Mihemed Casim e û 28 salî ye lê navê yê din ne diyar e.
Ji destpêka şerê navxwe yê Sûriyeyê ve, li ser sînorê Tirkiye-Sûriye û bakur û rojavayê Kurdistanê 555 welatiyên sivîl ên Sûriyeyî ji aliyê cendirmeyên Tirkiyeyê ve hatine kuştin.
Di nav wan 555 kesan de 103 zarok û 67 jin jî hene.