Parêzger û qeyûmê Şaredariya Bajarê Mezin ê Diyarbikirê demek berê biryar dabû li devera Çiyayê Kirklar a navçeya Sûriyê bi navê Serokê Giştî yê Partiya Tevgera Neteweperest a Tirkiyê (MHP) Devlet Bahçelî daristanekê deyne.
Şaredariya Diyarbekirê ya di destê qeyûm de ye, ew cihê ku ji bo “Daristana Bîranînê ya Bahçelî” hatiye terxankirin, ligel hemû nerazîbûn û bertekên gel û aliyên siyasî yên Kurd bi têlan pêça.
Hat zanîn ku bi têlkirina wî cihê ku ji bo daristana Bahçelî hatiye veqetandin re parêzgariya Diyarbekirê di demeke nêzîk de dest bi xebatên çandina daristanê dike û nerazîbûnên xelkê Diyarbekirê jî piştguh dike.