Xelîl Sîpan
Divê partî û rêxistinên Kurdan polîtîka xwe ya li hemberê dagirkerên Kurdistanê, di ber çavan ra derbas bikin.
Dewleta Îran û Tirk dijminên Kurdan yên dîrokî ne, Îran êrişî Başûrê Kurdistanê dike Tirk jî êrişî Rojavayê Kurdistanê dikin û armanca wan yek e û êrişî bingehê aborî û sivîlan dikin.
Îran du sal berê bi mûşekan va êrişî ser mala karsazekî Kurd li Hewlêrê kiribû û wek êrişa 15ê Çile ya ser mala şehîd Pêşrew Dizeyi û gotibû “me êrişî ser cîyê Mossadê kirîye.”? Îdayên Îranê hemû derew in û ti êrişeke Îranê dîrek li hemberê Îsraîl nîne û Îran hêzên terorên wek Hamas, Hizbullah, Heşda Şebî û Husîyan bi kar tîne...
Têkilîyên herê germ bi Îsraîl ra Azerbêycan ne û cînarê Îranê yê herê nêzîke û ti beyameke Îranê li dijî Azerbêcanê ji bo Îsraîl nîne. Heman demê da PKK di hindurê Tirkîyê û Bakûr da ti şerekî wî li hemberê dewleta Tirk nîne û dewleta Tirk pirsgirêka PKKê wek kart û hacetekî li hemberê Başûr û Rojava Kurdistanê bi kar tîne û armanca Îran û Tirkîyê yek e û li dijî destkeftîyên Başûr û Rojavayê Kurdistanê ye.
Divê partî û rêxistnên Kurdan polîtîka xwe ya li hemberê dagirkerên Kurdistanê, di ber çavan ra derbas bikin û ji bin bandora sîyadeta dewleta Îran û Tirkîyê derkevin.!
Divê Kurd pisgirêkên nav xwe bi rêya dialogan va çareser bikin û dijatîya nav Kurdan ti xizmetekî ji bo gelê Kurd nake û tenê dijminên Kurdan jê feydê dibînin.