Li gundewarê Til Temirê di şer û pevçûnên di navbera Hêzên Sûriyeya Demokratîk (HSD) û komên çekdar ên Sûriyên yên Tirkiye piştgirîya wan dike de, 7 kes hatin kuştin
Rewangeha Sûrî ya Mafên Mirovan ragihand, şer û pevçûn di navbera HSD û grûpa çekdar “Sultan Murad” de li gundê Erîşê yê ser bi Til Temirê ve derket.
Li gorî zanyariyên Rewangehê, di şer û pevçûnan de 6 çekdarên grûpa Sultan Murad û şervanekî HSDê hatine kuştin.
Destnîşan kir jî, ji ber topbarana grûpên çekdaran li ser devera Ebû Rasên û heta bakurê Til Temirê de, gelek kes koçber bûn û berê xwe dan deverê ewletir.
Roja 3ê vê mehê jî di encama topbarana hêzên Tirkiyê û grûpên çekdar ên ser bi wê ve li ser gundê Ebûş ê li bakur Til Temirê de, 5 kesên sivîl birîndar bûbûn.