Navenda Ragihandinê ya YPJyê ji Rûdawê re ragihand ku gera duyem a bihevguhertina dîlan a di navbera HSD û Artêşa Sûriyeyê de dest pê kir.
Navenda Ragihandinê ya Yekîneyên Parastina Jinê (YPJ) ji Rûdawê re got ku îro saet 16:00an, bihevguhertina dilan a di navbera Hêzên Sûriyeya Demokratîk (HSD) li Meclisa Giştî ya Taxên Şêx Meqsûd û Eşrefiyeyê û Artêşa Sûriyeyê dest pê kir.
Ji her di aliyan ku di nav de şervan, sivîl û çekdar hene hejmara dîlên ku dê bi hev bên guhertin 469 kes in.
Li gorî Navenda Ragihandiyê ya YPJyê, HSD 176 çekdarên Îdareya Nû ya Sûriyeyê û Artêşa Niştimanî ya Sûriyeyê azad dike û Artêşa Sûriyeyê jî 293 şervan û sivîlên taxên Kurdan ên Şêx Meqsûd û Eşrefiyeyê yên Helebê azad dike.
YPJê di daxuyaniya xwe de ji Rûdawê re ragihand ku 7 ji wan girtiyan ku ji aliyê Artêşa Sûriyeyê ve tên berdan şervanên jin in.
28ê Gulanê Artêşa Sûriyeyê red kiribû şervanên YPJyê azad bike û îro piştî civînên heyeta Rêveberiya Xweser û desthilatdarên Sûriyeyê li Şamê, her du alî gihiştin rêkeftinê.