Li girtîgeha Ormiyê de herî kêm 12 jin li benda îdamê ne.
Malpera mafên mirov ya Hengaw ragehandiye, duh girtiyeka kurd bi navê Feranek Beheştî ku di girtîgeha Ormiyê de ye û bi îdamê hatiye mehkûmkirin, bo bicîhanîna fermana îdamê birin ber darê.
Heta niha nayê zanîn ew jina han hatiye bidarvekirin yan na.
Feranek Beheştî xelka bajarokê Tîkab li parêzgeha Ormiyê ye û ji ber kuştina zilamê xwe hatiye girtin û bi îdamê hatiye mehkûmkirin.
Li gorî amaran, herî kêm 11 jinên din jî mîna Feranekê di girtîgeha Ormiyê de li benda îdamê ne.