Hat ragihandin ku di encama erdheja şeva borî de ku navenda wê bajarê Xoyê yê parêzgeha Urmiye ya Rojhilatê Kurdistanê bû, herî kêm du kesan can daye û 122 kes jî birîndar bûne.
Medya Îranê daye xuyakirin, di encama erdheja bi tundiya 5,9 de, li bajarê Xoyê gelek avahî hilweşiyan ku li gorî agahiyên destpêkê 2 kesan can daye û 122 kes jî birîndar bûne.
Hat zanîn ku piştî erdheja mezin bi dehan erdhejên din ên paşgo li herêmê rû dane.
Erdheja ku navenda wê bajarê Xoyê bû, li çend bajarên Bakurê Kurdistanê jî hat hîskirin ku li gorî zanyariyan di encamê de ti ziyanên madî û canî çênebûne.