Deriyê Pêşabûr ê sînorê navbera Herêma Kurdistanê û Rojavayê Kurdistanê, îro ji bo kesên bi awayekî demkî hatine Herêma Kurdistanê, vedibe.
Berpirsê Deriyê Pêşabûr Şewket Berbeharî bi daxuyaniyekê diyar kir, welatiyên Rojavayê Kurdistanê agahdar kir, ku bi awayekî demkî hatine Herêmê û rêya vegera wan girtî bû, roja Pêncşemê 6ê Çileya 2022yan dikarin ji bo xwetomarkirinm serdana Deriyê Pêşabûr bikin.
Ew welatî bi karta 30 rojî hatine Herêma Kurdistanê û ji ber aloziyên PKKê li ser sînor rêya vegera wan hatibû girtin.
Şewket Berbehar da zanîn; sibe ji saet 8ê sibehê heta 4ê êvarê, navên wan kesan wê werin tomarkirin.
Berpirsê Deriyê Pêşabûr eşkere kir; ev derfet tenê ji bo sibe ye û di her mehekê de rojek ev derfet ji bo vegera wan kesan were pêkanîn.