Serokê Amerîkayê Donald Trump sîstema nû ya parastina moşekî ya bi navê "Golden Dome" ku bihayê wê 175 milyar dolar e, eşkere kir.
Trump dema ku li Ofîsa Oval sîstema nû ya parastina hewayî "Golden Dome" da nasîn, diyar kir ku heta moşekên ji fezayê tên jî dikarin werin astengkirin.
Trump diyar kir ku ew ji Qubbeya Hesinî ya Îsraîlê pir çêtir e û her wiha destnîşan kir ku lêçûna giştî ya pergala moşekî ya nû wê 175 milyar dolar be.
Trump di civînê de daxuyaniyên jêrîn dan:
"Di dema kampanyaya xwe de, min soz da ku ez ê mertalekê ava bikim da ku ezmanên me ji moşekên balîstîk biparêzim, û ez ê vê bikim."
Em sîstema parastina hewayî ya Golden Dome ava dikin.
Ew ê pergala herî pêşketî ya cîhanê be ku heta moşekên ji fezayê tên jî bigire. Ew ê interceptorên fezayî jî di nav xwe de bigire.
Îsraîl jî xwedî qubbeyeke hesinî ye, qubbeya zêrîn wê ji qubbeya hesinî çêtir be, em ê bikaribin moşekên hîpersonîk bixin xwarê.
Ez kêfxweş im ku radigihînim ku fatûreyek mezin û xweşik wê 25 mîlyar dolar ji bo Golden Dome jî di nav xwe de bigire da ku alîkariya destpêkirina avakirinê bike. Ev ji bo destpêkê hinekî pozîsyoneke berxwedêr e. Em qala lêçûna giştî ya vê yekê dikin ku dema ku temam bibe wê 175 milyar dolar be."