Li navçeya Çinarê ya parêzgeha Amedê ya Bakurê Kurdistanê di xwepêşandeke li dijî DEDAŞê de 7 welatî hatin desteserkirin.
Tîmên Kompanyaya Belavkirina Elektrîkê (DEDAŞ) ji bo jêkirina trafoyeke elektrîkê ya ku di avdana berhemên çandiniyê de dihat bikaranîn tevî cendirmeyan çûn gundê Sipyagê ya navçeya Çinarê ya Amedê.
Şêniyên gund li dijî jêkirina trafoyê xwepêşandanek da destpêkirin û nerazîbûn nîşan da.
Li gorî zanyariyan cendirmeyan midaxeleyî xelkê kiriye û 7 welatî desteser kirine.
Hat ragihandin ku cendirmeyan 7 welatiyên ku hatine desteserkirin birine Rêveberiya Ewlehiyê ya Çinarê.