- Cenazeyê siyasetvan û kesayetiya naskirî ya Kurdê Rojavayê Kurdistanê Xalid Meşayîx li goristana Qidûr Beg a Qamişlo hate veşartin.
Cenazeyê siyasetvan û kesayetiya Kurd Xalid Meşayîx îro Çarşemê 8ê Kanûna 2021an li goristana Qidûr Beg a Qamişlo bi merasimeke hate veşartin û di merasîma veşartinê de malbat û dostên wî û kesayetiyên bajêr amade bûn.
Xalid meşayîx ku demek bû ji ber nexweşiyê li Almaniya dihate dermankirin, roja 3 vê mehê koça dawiyê kiribû.
Xalid Meşayîx ku sala 1937 li Dêrikê ji dayîk bû, di nava Partiya Demokrata Kurdistana Sûriyê (PDK-S) de karê siyasî kiribû, li ser hewlêstên xwe yên siyasî çend caran hate girtin û nêzîkî 10 salan ji temenê xwe di zindanên hikûmeta Sûriyê de derbas kiribû, ew ligel Hemîd Hecî Derwê û Osman Sebrî di zindanê de bû û rastî gelek îşkenceyên giran hatibû.
Piştî ku partî perçe bû, dest ji siyasetê berdabû, koçberî Yunanê bûbû, bi tenê mabû, rojên pir nexweş derbas kiribûn, sala 2020 derbasî Almanya bûbû.