Hat ragihandin ku Kordînatorê Koşka Spî yê ji bo Karûbarên Rojhilata Navîn û Bakurê Afrîkayê Brett McGurk, wê serdana Herêma Kurdistanê bike.
Berpirsê Pêwendiyên Derve yê Hikûmeta Herêma Kurdistanê Sefîn Dzeyî serdana Brett McGurk a bo Herêma Kurdistanê piştrast kir. Tê çaverêkirin Brett McGurk li Hewlêrê bi Serokê Herêma Kurdistanê Nêçîrvan Barzanî û berpirsên din ên Herêma Kurdistanê re bicive.
Derbarê hurgiliyên dîroka serdanê û danûstandinên McGurk li Herêma Kurdistanê de, hêj zêdetir agahî nehatine belavkirin.