Blinken: Yekane çareseriya êş û qeyrana Sûriyê çareseriya siyasî ye

.

 Di Konferansa Alîkarîkirina Sûriyê de, Wezîrê Karûbarên Derve yê Amerîkayê Antony Blinken diyar kir û got; divê Neteweyên Yekbûyî li ser wê yekê bixebite ku penaberên Sûriyê bi dilê xwe vegerin cih û warên xwe.

Antony Blinken di gotara xwe de da zanîn: “Serok Biden di wê baweriyê de ye ku divê siyaseta derve, bi hemahengiya welatan ve girêdayî bibe ji bo çareserkirina qeyranên cîhanê, ji ber ku bi tena serê xwe, tu pirsgirêkeke navdewletî nayê çareserkirin.”

Blinken herwiha destnîşan kir: “Derbarê Sûriyê de, divê Neteweyên Yekbûyî ji bo wê yekê bixebite ku penaberên wî welatî, bi dilê xwe vegerin. Herwiha Encûmena Asayîşê jî di demeke herî nêz de bixebite ji bo vekirina hemû deriyên Sûriyê bi mebesta gihandina alîkariyên mirovî bêyî tu rêgiriyekê.”

Wezîrê Karûbarên Derve yê Amerîkayê eşkere kir, yekane çareseriya êş û qeyrana Sûriyê, çareseriya siyasî ye.

Kurdîstan Haberleri

Ji sirgûnê ber bi dikê ve: Çîroka Tara Mamedovayê
Li Kela Zerzewanê ahenga zanist û hunerî hat kirin
PWK SWÊDÊ PÊŞEWAZÎYA ÎSMAÎL  BEŞÎKÇÎ Û HEVALÊN WÎ KIR!
Festîvala Şanoyê ya Amedê: Ji çar aliyên Kurdistanê şanoger beşdar in
Festîvala fîlmên kurdî ya Patrîsê dest pê kir