Serokkomarê Tirkiyeyê radigehîne, “Em kar dikin ku cejna Newrozê li welatê xwe bikin cejneke fermî.”
Di helkefta fermî ya pîrozkirina cejna Newrozê de, Serokkomarê Tirkiyeyê û Serokê AK Partiyê Recep Tayyip Erdogan got, “Em wekî Hevpeymanîtiya Komarê kar dikin ku cejna Newrozê li Tirkiyeyê bikin cejneke fermî.”
Li dû nûçeya medyayên Tirkiyeyê, AK Partiyê ragehandiye ku piştî temambûna cejnê, ji bo fermîkirina cejna Newrozê li Tirkiyeyê dest bi karên xwe kiriye.
Ji bo vê meremê jî Cîgirê Serokê Peywendiyên AK Partiyê Korşad Zorlu ji bo serperiştiya karên girêdayî vê mijarê hatiye raspartin ku heta cejna Newrozê li tevaya dewletên Tirkannişîn bibe cejneke fermî û her sal bê pîrozkirin.