Doza ku der barê qetilkirina Serokê Baroya Diyarbekirê Tahîr Elçî de hatibû vekirin, di 12ê hezîrana 2024an de hatibû dîtin. 10emîn Dadgeha Cezayê Giran a Diyarbekirê derbarê polîsên bersûc Sînan Tabûr, Fuat Tan û Mesut Sevgî de biryara beraetê da.
Parêzerên malbata Tahîr Elçî biryar sewqî Dadgeha Îstînafê kirin. 10. Daîreya Cezayê ya Dadgeha Edliyeya Herêmê ya Diyarbekirê îtîraz red kir. Di biryara dadgeha herêmî de hat îdiakirin ku “tu binpêkirina hiqûqê tune ye û li gorî hiqûqê ye.”
Weqfa Tahîr Elçî û parêzeran doz bir Dadgeha Destûra Bingehîn (AYM). Piştre hevjîna Tahîr Elçî Turkan Elçî, Serokê Baroya Amedê Abdûlkadîr Guleç, Serokê Weqfa Tahîr Elçî Mahsum Batî û parêzerên dozê li ber Dadgeha Destûra Bingehîn daxuyanî dan.