Rêxistina Mafên Mirovan a Efrîn-Sûriyeyê ragihand ku di meha Adarê de, li herêma Efrînê 11 kes hatine revandin û 20 kes jî ji girtîgehê reviyane.
Li gorî rapora rêxistinê ya meha Adarê, 11 kes hatin revandin, 20 revandî jî ji girtîgeha Raiyê reviyan.
Îşkence li 6 kesan hat kirin, hin ji wan ji ber pîrozkirina cejna Newrozê îşkence li wan hat kirin.
Zêdetirî 300 darên zeytûnan hatin birîn. Zêdetirî 3 hezar û 100 darên daristanî li daristanên Çiyayê Qaziqlî, Hec Hesenlî û Qitmê hatin birîn.
Herwiha bac li ser milkên koçberan hatin ferzkirin û gelek kel û pelên xelkê ji aliyê çekdaran ve hatin dizîn.
Li gorî raporê kesekî jî di encama teqîna bermahiyên şer de jiyana xwe ji dest da.