Serokomarê Iraqê Berhem Salih ragihand ku krîza di navbera hikûmeta Iraqê û Herêma Kurdistanê de nayê qebûlkirin.
Berhem Salih li ser pirsgirêkên navbera Hewlêr û Bexdayê de got “Krîza di navbera hikûmeta federal û hikûmeta Herêma Kurdistanê de nayê qebûlkirin, ziyaneke mezin dide welat. Niha gihîştiye qonaxa diyarker ku em bi encamên wê re rû bi rû ne. Divê di navbera hikûmeta federal û hikûmeta Herêma Kurdistanê de diyalogeke cidî dest pê bike û çareseriyeke mayînde bê dîtin, ne demkî.”
Herwiha Serokkoamrê Iraqê li ser pirsgirêka şandina budceyê ya di navbera Iraq û Herêma Kurdistanê de ragihand “Nabe qût û debara gel bi nakokiya siyasî re ben tevlîhevkirin. Welatiyên Besra, Necef, Enbar, Bexda û Mûsilê rê nadin ku birayên xwe yên li Herêma Kurdistanê rûbirûyê zilm û zordariyê bibin û ji jiyana xwe bêhêvî bin.”
Di beşeke din a axavtina xwe de Berhem Salih daxwaz ji Çorçoveya Hemahengiyê kir ku bi Muqteda Sedr re guftugoyan bikin ji bo ku rewş aram bibe û beşdariyê di diyaloga niştimanî de bike.”
Beşên giring ên di axavtina Berhem Salih de derketin pêş wiha ne:
- Divê di diyaloga niştimanî de tekezî li ser çawaniya lidarxistina hilbijartinên pêşwext û avakirina hikûmetê were kirin
- Divê demildest guhertina destûra bingehîn bê destpêkirin
- Hilbijartinên dawî yên Iraqê daxwazên gel pêk nehat
- Daxwaza Muqteda Sedr daxwazeke azadiyane bû
- Hêzên ewlehiyê bi aqilane bi bûyerên tundiyê re rûbirû bûn