Dezgeha Xêrxwazî ya Barzanî (BCF) alîkariya pereyan li dehan xwendekarên zanîngehê yên bajarê Efrînê yê Rojavayê Kurdistanê kir.
Dezgeha Xêrxwazî ya Barzanî ragihand ku roja 15ê Nîsanê nivîsgeha BCFê ya Efrînê alîkariyên diravî pêşkêşî xwendekarên zanîngehê kirin.
BCFê eşkere kir ku di vê çalakiyê de hejmara xwendekarên ku alîkarî ji wan re hatine pêşkêşkirin, 125 xwendekar in û ji xelkê Efrînê ne.
Hate diyarkirin ku ew xwendekar niha li zanîngeha Ezazê dixwînin, û ji bo her xwendekarekî 100 dolar hatiye pêşkeşkirin.
Hêjayî gotinê ye, îsal Dezgeha Xêrxwazî ya Barzanî sêyemîn care alîkariyên diravî pêşkêşî 130 xwendevanên zanîngehê dike. Cara yekem di 29 çileyê de bû û ya diduyan jî di 17 Adarê de bû.
Herwiha 4ê Tîrmeha 2023yan jî, BCFê bi alîkariya rêxistina Karîtas ya Almanî Navenda Barzanî ya Çand û Geşepêdanê li Efrînê vekiribû û heta niha bi çalakiyên cuda alîkariyan di hemû waran de pêkeş dike.