Navenda Mafên Mirovan a Baroya Diyarbekirê ragihand ku wan ji bo tawanên Heyet Tehrîr Şam (HTŞ) li Sûriyeyê kirine serî li Dadgeha Cezayê ya Navneteweyî (DCN) daye û herwiha ji bo parastina sivîlên herêmê jî serî li Neteweyên Yekbûyî (NY) dane.
Navenda Mafên Mirovan a Baroya Diyarbekirê, li ser komkujiyên ku çekdarên Heyet Tehrîr El Şam (HTŞ) çend rojên borî li beravên Sûriyeyê pêk anîne, serî li Dadgeha Cezayê ya Navneteweyî (DCN) û Konseya Ewlekariyê ya Neteweyên Yekbûyî (NY) da.
Hatiye diyarkirin ku ji bo tawanên li herêmê li dijî mirovahiyê hatine kirin, ji DCNê hatiye xwestin ku dozgerî lêpirsîna resen veke û bişîne ber dadgehê.
Herwiha di serlêdana Neteweyên Yekbûyî de jî hatiye xwestin ku sivîlên wan herêmên Sûriyê ku piranî elewî ne bên parastin.