Baroya Diyarbekirê ragihand ku şandeke wan serdana Komeleya Şêx Seîd û Hevalên wî kiriye û Rêveberiya Komeleyê re, proseya yasayî ya ji bo eşkerekirina cihê gora Şêx Seîd û hevalên wî gotûbêj kirine.
Serokayetiya Baroya Diyarbekirê li ser hesabê xwe yê Twitterê ragihand ku serok û endamên rêveberiya baroyê serdana Komeleya Şêx Seîd kirine û ji bo destpêkirina pêvajoya hiqûqî ya eşkerekirina cihê gora Şêx Seîd û hevalên wî civîneke berhemdar hatiye kirin.
Serokê Komeleya Şêx Seîd û neviyê Şêx Seîd, Kasim Firat ragihandiye ku ew ê di nav vê hefteyê de ligel Baroya Diyarbekirê û hiqûqnasan bi armanca eşkerekirina cihê gora Şêx Seîd serî li dadgehê bidin.
Kasim Firat dibêje, ew wek neviyê Şêx Seîd dixwaze cihê gora bapîrê wî bê eşkerekirin û ew ê heta dawiyê ji bo vê mebestê têkoşîna xwe bidomînin.