Balyozê Brîtanya yê li Herêma Kurdistanê David Hunt da zanîn, di derbarê serdana şanda Hikûmeta Herêma Kurdistanê ji bo Brîtanyayê axivî û got, serdan gelek serkeftî bû û ligel Serokwezîr û çendîn rayedarên payebilind ên Brîtanyayê civînên gelek baş pêk anîn.
Li gor Balyozê Brîtanyayê David Hunt eşkere kiriye: “Di wê serdanê de gelek mijarên girîng hatin qalkirin û armanca wê nexşandina siberoja pêwendiyên Brîtanya û Herêma Kurdistanê ye.”
David Hunt daye zanîn: “Pêwendiya Brîtanyayê ligel Herêma Kurdistanê her dem pêwendiyeke nêzîk û dîrokî û kûr bûye, herwiha pêwendiyeke berdewam e. Serdana hefteya borî ya şanda Hikûmeta Herêma Kurdistanê gelek girîng û erênî bû.”
Herwiha Hunt tekez kiriye: “Gotûbêjên ligel serokwezîrê welatê min û rayedarên payebilind ên hikûmeta Brîtanyayê gelek girîng ûn, wê daxwaz û nêrîna hevbeş îsbat dike ku em dixwazin bi hev re ji aliyê bazirganî û asayîş û warên din ve, gelek karên baştir bikin.”