Navenda Nûçeyan - Bajarvana Atalanta Keisha Lance Bottoms da zanîn ku kesên beşdarî protestoyan bûne divê vê hefteyê testên vîrusa korona bikin.
Herwiha, Bajarvana Washington DC Muriel Bowser jî bang li xwepêşanderan kir ku li gor mesafeya civakî tevbigerin.
Muriel Bowser dîyar kir ku di protestoyan de kesên bê maske dibîne û da zanîn ku ew naxwazin ku vîrus berbelavtir bibe.
Li gor agahîyên dawî yên Zanîngeha Johns Hopkinsê li Amerîka bi qasî 1,800,000 kes bi vîrusa korona ketine û pirtir ji 104,000 kes bi wê jîyanên xwe ji dest dane.