Şêwirmendê Serokê Herêma Kurdistanê bo karûbarên leşkerî, behsa wê dike ku Herêma Kurdistanê bûye herêmeke stratejîk a girîng û ev nêrîna Amerîkayê jî girîng e.
Şêwirmendê Serokê Herêma Kurdistanê bo karûbarên leşkerî Ferîq Babekir Zêbarî ji BasNewsê re ragehand: “Li gel hilbijartinên Amerîkayê, hindek guhertin dê bên kirin û ew jî bi Serokê Amerîkayê bi xwe ve girêdayî ye, nek bi sîstema siyasî ya Amerîkayê, bo me hatina Trump taze û ji nişkave jî nîne, berê di serdema Trump de, rolê pêşmergeyên qehreman di rûbirûbûna bi DAIŞ û terorê de leyîstiye û wan jî ew rol bilind nirxandiye.”
Herwaha got, “Pêgeha Herêma Kurdistanê bo Amerîkayê pir girînge û ev erdnîgariya Kurdistanê bo Amerîkayê girînge, ji aliyekê ve Tirkiye, li aliyê din ve Îran, Iraq û Sûriyê, ku Kurdistanê kariye siyaseteke hevseng li herêmê bimeşîne, di ti rewşekî de Amerîka dest ji piştevaniya Kurdistanê berde û Herêma Kurdistanê bo Amerîkayê bûye stratejiyek, em jî li bendêne ku alîkarî û piştevaniya Amerîkayê bo hêzên Pêşmerge berdewam be û di asta wezareta berevaniya Amerîkayê çendîn car hatine agahdar kirin ku destxweşiya wan heye bo rola hêzên Pêşmerge.”