Asayişa Herêma Kurdistanê: Me endamên du grûpên teroristî desteser kirin.
Hêzên Operasyona Dezgeha Asayişa Herêma Kurdistanê ragihand, wan plana du grûpên teroristî şikandin ku armanca dikirin “kiryarên teroristî li Hewlêrê pêk bînin û plana terorkirina çend kesayetiyan jî danîbû”.
Dezgeha Asayişa Herêma Kurdistanê îro 23ê Tîrmeha 2022an di daxuyaniyekê mikurhatinên çend tometbaran belav kirin û diyar kir, “Bi piştbestina bi zanyariyên hewalgiriyê yên Operasyona Asayişa Silêmaniyê, belgeyên dirust û piştrastkirî li ser wan her du grûpên teroristî li Herêma Kurdistanê ketin destê wê ku bi riya tora civakî ketine jêr bandora hizrî ya teroristên DAIŞê û bi du arasteyên cuda plan danîbûn ku armancên xwe cibicî bikin.
Asayiş dibêje: Piştî çavdêrîkirina tevgera tometbaran, bi razemendiya birêz Dadwerê Lêkolînan, bi biryara Serokê Dezgeha Asayişa Kurdistanê, hêzên operasyonên Dezgeha Asayişa Herêmê çend operasyon û hilmetên serkeftî yên cuda encam dan û hejmarek teroristên DAIŞê desteser kirin ku plana wan hebû piştî cibicîkirina armancên xwe pêwendiyê bi çekdarên DAIŞê re bikin.
Çavkanî: Kurdistan 24
Mikurhatinên tometbaran: