Artêşa Tirkiyeyê û komên çekdar ên ser bi Tirkiyeyê ve, bi çekên giran û topan êrişî gundên navçeya Girê Spî kir.
Li gorî agahiyên medyaya Rêveberiya Xweser a Rojavayê Kurdistanê, Artêşa Tirkiyeyê û komên çekdar îro serê sibehê dest bi topbarankirina herêma bajarê Girê Spî yê Rojavayê Kurdistanê kiriye.
Artêşa Tirkiyeyê û komên çekdar gundê El Isêlimê yê navçeya Silûkê ya Rojavayê Kurdistanê topbaran kir.
Her wiha gundê El-Sûanê jî ku dikeve rojavayê bajarê Girê Spî jî bi çekên giran hatiye armanckirin.
Lê di derbarê zererên wan topbaranan de ti agahî nehatine belavkirin.