Artêşa Tirkiyê bi topan, êrîşî gundewarê rojavayê Girê Spî û Reqayê kir û di encamê de jî welatiyekî can da, 3 heb jî birîndar bûn.
Li gor zanariyên xwecih, diyar dikin êvara roja Yekşemê, topxaneya artêşa Tirkiyê û grûpên çekdar ên alîgirên wê, 3 gundên din ên rojavayê bajarê Girê Spî topbaran kirin.
Zanyarî destnîşan dikin, gundên Zenûbya, Suwan û Um Hoş li rojavayê Girê Spî, hatin topbarankirin û berî wan jî gundên Erîde, Xirbet Beqer û Kur Hesen hatibûn topbarankirin.
Herwiha li aliyê din, li gundewarê Reqayê, bi sedema topbarana hêzên Tirkiyê welatiyekî can da.
Di çarçoveya topbarankirina navçeyên Bakur û Rojhilatê Sûriyê de, zanyariyên xwecihî ji bajarê Reqayê, nîşanê bi wê yekê didin, bi sedema topbarana artêşa Tirkiyê û komên çekdar ên alîgirên wê, li ser Rêya Navdewletî ya M-4, li rojavayê nahiyeya Eyn Îsa, welatiyekî can da û 3 welatiyên din birîndar bûn.
Zanyarî eşkere dikin, navê welatiyê ku bi sedema topbaranê can da, Muhyîddîn Hecî Ehmed Ibrahîm e, temenê wî 35 sal e, ji xelkê gundê Bexdîk e.