Balyozxaneya Amerîka li Sûriyê êrîşên li dijî nivîsgehên Encûmena Niştîmanî ya Kurd li Sûriyê şemzar kir. Hevdem Ilham Ehmed got, Rêveberiya Xweser karên wiha napejirîne.
Balyozxaneya Amerîka bi rêya Facebookê da zanîn, divê tevgerên wiha werin rawestandin û yên wiha dikin werin sizakirin.
Hevdem Hevseroka Daîreya Têkiliyên Derve ya Rêveberiya Xweser Ilham Ehmed ji Medyaya Rojavayê Kurdistanê re got, Rêvberiya Xweser karên wiha şermezar dike û qebûl nake.
Bi gotrina Ehmed, tevgerên wiha ne ji nêz û ne ji dûr ve têkiliya xwe bi Rêveberiya xweser ve nîne.
Duh berpirsên ENKSê ji Kanal8ê re dabûn zanîn ji meha Adarê û heya niha ofîsên wan 9 caran rastî êrîşan hatine.