Amerîka: Ger Moskow helwesta xwe biguherîne em ji bo gotûbêjê amade ne

 Berdevkê Wezareta Karên Derve ya Amerîkayê Ned Price bi daxuyaniyekê da zanîn, Rûsya dest bi dagirkirina Ukrayna dike.

Price eşkere kir, wan bersiveke lezgîn û bi îstiqrar daye Rûsya û got, ger Moskow helwesta xwe biguherîne, ew ji bo gotûbêjê amade ne.

Price destnîşan kir: “Rûsya divê raber bike ku ew ji bo dîplomasiyê cidî ye. Lê me heta niha tiştên berovajî dîplomasiyê dîtin. Ger Moskow helwesta xwe biguherîne, em ji bo gotûbêjê amade ne.”

Herwiha da zanîn ku ew dixwazin rê li ber êrîşa belkîyî ya dijî Kîev ya paytexta Ukrayna bigirin.

Price got, ger Rûsya êrîşî Kîevê bike, ew ê bi awayekî giran mafên mirovan werin binpêkirin û tawanên şer çêbibin.

Berdevkê Wezareta Derve eşkere kir, toleyên Amerîka dijî Rûsya ragihandine destpêk in û diyar kir, ger Moskow aloziyê gurtir bike, ew ê jî bersivên tundtir bidin.