Li navçeya Silopyayê ya Şirnexê, 3 roj in agir bi daristana Çiyayê Cûdî ketiye û leşker rê nadin ku agir bê vemirandin.
Li Çiyayê Cûdî di navbera gundên Sorbitmê û Gera Mihetê yên nêzîkî qereqoleke leşkerên Tirkiyeyê 26ê Tîrmehê demjimêr 22.00an agir dest pê kir.
Di vîdeoyeke ku li ser medyaya civakî hatiye belavkirin, tê dîtin leşker bi ken behsa şewata li Çiyayê Cûdî dikin.
Li gorî zanyariyan, agir ji ber topbarana artêşa Tirkiyeyê derketiye û ji bo vemirandinê ti xebat nayê kirin.
Herwiha leşker rê nadin ku gundî jî biçin herêmê û agir vemirînin.
Li herême ba gur e û ji ber bayê gur agir her ku diçe berbelavtir dibe.