İSKAN TOLUN Köln.
Nivîsa Nû:
Belê, îro 15’ê Gûlan'ê, Cejna zimanê Kurdî, zimanê dayîkê ye. Bê goman, yek ji çar dîwarê mezin û bingehî zimanê, zimanê dayîkê ye. Girîngîya zimanê dayîkêye bê nîqaş e. Lê, mixabin, ji ber ko pir zor û zahmetî, qedexe li ser zimanê me hebû; lawma jî me bi zimanê biyanî xwand û nivîsand. Zimanê Kurdî pir xûrt û dewlemende. Niha wek gelek nivîskaran, min jî giranîya xwe daye ser zimanê dayîkê. Heta niha min du pirtûk bi zimanê dayîkê nivîsîye û niha jî, ez li ser romanek e din, a zarokan/ciwanan dixebitim. Di pêşerojê de ezê bi kurtasî, çend qeta ji vê romanê, ji xwendevanên xweyî hêja û birûmet re, pêşkêş bikim. Belê, îro 15'ê Gulan’ê, Cejna Zimanê Kurdî, zimanê dayîk’ê ye. Ez vê cejnê li we xwendevanên hêja û delal, bidil û can pîroz dikim!..
Û niha jî ez dixwazim ji romana zaroka û pirtûka xwe ye yekemîn, çend qeta bi kurtasî ji we xwendevanên ciwan, hêja û delal re pêşkêş bikim. Silav û rêz!..
Roman a Zaroka/Ciwana, ya bi navê Gavanê Kal:
Merdan têr xwar û li dîya xwe zivirî:
“Dayê ez li bextême, tu her tim hinek nan û hinek penîr zêde têxî turikê min. Min gavanekî kal, şêst-heftê salî naskirîye û pir gunê min pê tê. Îro xwarina wî kêm bû, min ya xwe pêre par ve kir.”
Dayîka Merdan, Kewê got:
“Başe berxê min.” Û her du destê xwe dirêjî ruyê wî kir. Wî bi ber pêsîra xwe ve şidand, himêz kir û serê wî bi hez kirin, sê cara li du hev maç kir.
… … Pir gunê Kewê û Semir jî pê dihat. Ji ber vê yekê, êdî Kewê, her roj, têra du meriva, xwarin dixiste tûrik ê Merdan. Kewê û Semir baş zanîbûn ko, însanetî û merdîtî, hezkirin û parvekirin, dilşadî û bextewarî her çiqas parve bive, hewqas zêde dibe…
Pirtûka mine yekemîn ko bi zimanê dayîkê ye: Rovîyê Xasûk-Peyvên Felsefesi û Çîrok, ji ber daxwezîya, bi zimanê Almanî jî hate çapkirin. Bi sernivîs a: Der schlaue Fuchs-Philosophische Worte und Geschichten. Ji bo fêrbûna du ziman a tê bikar anîn.
Rovîyê Xasûk-Peyvên Felsefî û Çîrok:
Delalno, zarokê rojê, yên pêşerojê, pêşedemê, ayendê. De werin em bi hevre, bi wî dilê weyî
paqij, daxwazîyekê bikin:
'Em hêvîdarim ko her însan, her milet bi bawerî û rengên xwe azad, wek hev bijî li ser rûyê vê erdê!.."
15’ê Gûlan'ê, Cejna Zimanê Kurdî di serî de, li tevayî gelên Kurd û tevayî mirovatîyê pîroz be!..
Silav û rêz.