"Wêrankariya li Sûriyê derketiye holê, di dîroka nû de bê wêne ye."
Birîkarê Berpirsê Karûbarên Mirovî û Nûnerê Alîkariya Rewşên Hawarçûnê yê ser bi Neteweyên Yekbûyî Martin Griffiths ragihand; wêrankariya li Sûriyê derketiye holê, di dîroka nû de bê wêne ye.
Martin Griffiths destnîşan kir; di dirêjahiya şerê navxwe yê 11 salan yê Sûriyê de, nêzîkî 350 hezar kes hatin kuştin, 14 milyon welatiyên Sûriyê awareyî welatên cîhanê bûn.
Griffiths eşkere kir; di dema 11 salan de 5 milyon zarok li Sûriyê jidayîk bûne, ku bi awayekî berdewam li nav şer û nexweşiyê bûne. Herwiha dibêje: “Hîn jî li hinek deverên Sûriyê, welatiyên sivîl têne kuştin û birîndarkirin.”
Martin Griffiths diyar dike; rewşa Kampa Holê bi yekcarî têk çûye, ku 56 hezar malbatên DAIŞê tê de ne, piraniya wan jin û zarok in, di şerê navxwe yê Sûriyê de ew kamp bêhtir berfireh bû.