Îro Serokê Odeya Bazirganî û Pîşesaziyê ya Batmanê Abdulkadîr Demîr, pêşwazî li Namzetê Serbixwe yê Şaredarîya Batmanê M. Feyyaz Ekmenî kir.

Digel Feyyaz Ekmenî, Serokê Teşkîlata Batmanê yê PAKê Azîz Ozdemîr û hin endam û rêvebirên PAKê jî di şandeyê de bûn.

Di hevdîtinê de M.Feyyaz Ekmen, behsa projeya xwe ya bo şaredarîya Batmanê kir û got em ê şaredarîya Batmanê û ên welatê xwe jî, digel miletê xwe birêve bibin û wisa pê de çû: "Divê di şaredarîya me de her însan bêne temsîlkirin û beyî beşdarîya civaka sivîl birêvebirina şaredariyan ne pêkan e.

Serokê BATSOyê Abdulkadîr Demîr jî, serkeftinê ji M.Feyyaz Ekmenî re xwest û got digel ku karekî zehmet e bes pengaveka gelekî erênî ye ku alternatîfeke ava bike û divê ev rêya sêyem ku bûye alternatîf, xebatên xwe her bimeşîne.