Navenda Medyayî ya Efrînê belav kir, çekdar û milîsên alîgirên Tirkiyê mezargeha kurdên Elewî, ku dikeve navbera bajarokê Mabeta û gundê Qenterê, wêran kirin û li tiştên kevnar geriyan!

Ji roja ku herêma Efrînê ya Rojavayê Kurdistanê ji aliyê Tikriyê û milîsên alîgirên wî welatî ve hatiye dagîrkirin, gelek cihên dîrokî û olî yên pîroz hatine teqandin û wêrankirin; wek girê Eyndara, keleha Tiqilkê û çiyayê Semhanê.

Peyayên tirkan her wiha gelek cih û mezargehên ola Êzidiyan li Efrînê şikandine; wek mezargeha Şêx Cinêd û Ebdilreham li gundê Feqîra û mezargeha Şêx Berkat li çiyayê Lêlûn li nêzîkî bajarokê Darit Izê. Herwiha çekdaran mezargeha Henên û gora rewşenbîrê Kurd Dr. Nûrî Dêrsimî li gundê Meşalê jî şikandine.