Qaymeqamê Şingalê Mehma Xelîl ragihand: “Li nav maleke Girûzêr di nav hewzeke avê de goreke bi kom a xwişk û birayên me yên Kurdên Êzdî hatiye dîtin ku 7 term têde ne û ji aliyê DAÎŞê ve hatine kuştin. Ji wan rufatên 5 kesan hatine naskirin, ku xelkê Giruzêr in.”

 

Meham Xelîl eşkere kir: “Şingal bajarê gorên bi kom e. Bi dîtina vê gora bi kom jî, heta niha 71 gorên bi kom li Şingalê hatine dîtin û her ku diçe gorên zêdetir têne dîtin û piraniya wan goran jî li aliyê baku û başûrê Şingalê, li Girzerdik, Giruzêr, Tel Qeseb û Tel Benat in.”