Ji Demîrtaşî re 5 sal ceza hate xwestin

Dozgerê Komarê yê Tirkiyeyê bi behaneya 'propogandakirina rêxistinê' pênc sal sizaya girtinê ji bo Hevserokê berê yê HDPê Selahattin Demirtaş û Parlamenterê HDPê Sirri Sureyya Onder xwest.

A+A-

Hat xwestin ku heta 5 salan li Demirtaş û Onderî were birîn û sedema wê wek 'tawana propogandakirina rêxistinê' hat nîşandan.

Doza ku ji ber axiftina Demirtaş û Onderî ya sala 2013an ya Newrozê li wan hatibû vekirin, îro dewam dike.

Li gorî nûçeya medyaya Tirkiyeyê, Demirtaşê ku ji ber tawanbarkirineke din jî hatiye girtin, raporteke tenduristiyê stend û beşdar nebû lê Onder beşdar bû.

Nêzîkî 100 parêzer ji bo parastina Demîrtaş di dadgehê de amade bûn.

Hejmareke zêde yê parlamenterên HDPê û alîgirên vê partiyê beşdarî rûniştinê bûn. Serokê dadgehê biryar daku doz bo 8ê Hezîranê bê paşxisitin.

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin