Jeffrey Dîyar Dike ku Hevkarîya Amerîka û HSD'ê Dê Bidome
Nûnerê Taybet yê Amerîka yê bo Sûrîyê James Jeffrey berî civîna ser Sûrîyê ya li Civata Ewlekarî ya Neteweyên Yekbûyî (NY) pirsên rojnamevanan bersîvandin.
A+A-
Navenda Nûçeyan- Jeffrey li ser pirsan da zanîn ku ewê li Sûrîyê bi Hêzên Sûrîya Demokratîk (HSD) re hevkarîyê bikin û têkoşîna dijî Dewleta Îslamî (DAIŞ) bidomînin.
‘’Bo me ya girîng ew e ku em rê li ber DAIŞ’ê bigirin ku petrol nekeve destê wan û komên din. Em tiştekî dijî qanûnê nakin’’ Jeffrey got.
Wî da zanîn ku HSD 4 sal in li qadên petrolê karên xwe didomîne û ew jî dê bi stratejîya xwe ya bo Sûrîyê alîkarîya wê hêzê bikin.
Nûnerê Taybet ser girjîya li Îdibê jî ameje kir ku rewşa wir fikaran çêdike û dîyar kir ku divê li seranserê Sûrîyê agirbest were ragihandin.
Çavkanî: Dengê Amerîka
Nûçeya berê û ya piştre
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin