Gokhan Guneşo  ke ame remnayene û badê 6 rojan ame veradayene vano: Ez rojan raştê îşkenceyî ameya.

Gokhan Guneşo  ke ame remnayene û badê 6 rojan ame veradayene Komeleya Heqanê Merdiman a Îstanbulî de beyanatê çapemenîye da û dergehê remyayîşê xo de qisey kerd.

Guneşî vat: ''Wexto ke mi ding de pawetêne çar kesê ke ûca bî înan ra yewî veng kerd mi û pêro pîya min rê hêrîş kerd. Dima hûmara înan zêdîya. Înanê ke ez remnaya çiwal da sereyê mi ro. Cayo ke ez berda ez nêzana ça bi. Mi rê sîstematîk îşkence kerd. Pê elekrîk, awe û kuwayîş îşkence kerd. Ez kerda zit têna kincê mi bînîn mi ser mendî. Pê tecawuzkerdişî ez tehdît kerda. Cayêk bibi tira vatêne mezel. Têna çew eşkayêne payra bimano. Mi ra waşt ke ez tewr înan bixewtî. Semedê hemkarîye ez tehdît kerda. Mi ra persayî vat 'ti zanî ma kam ê?' mi zî sey îstîxbaratker cewab da la înan çîyêk nêva. La tay qiseykerdişan de vatênê 'ma êyê ke nêesenê'. Verî ke mi veradê kincî dayî mi û ez kerda pak. Kartê telefonê mi girewt. Reyna çimê girewtî û ez veradaya.''