Emerîka: Me digel Tirkiyeyê li ser Minbicê li hev nekir
Berdevka Wezareta Derve ya Dewletên Yekbûyî yên Amerîkayê (DYA) Heather Nauert diyar kir ku di hevdîtinên bi rayedarên tirk re wan hîn li ser Minbicê li hev nekiriye.
A+A-
Nauertê di brîfînga rojnamevanî de, li ser mijara Minbincê wiha axivî:
"Hîn me bi hikûmeta Tirkiyeyê re li hev nekiriye. Me beriya niha ragihand ku heyetên koma xebatê yên Amerîka-Tirkiyê roja Înê li Enqerê li hev civiya ne. Danûstandinên me yên li ser pirsên metirsîdar berdewam dikin. Her du aliyan li ser çarçoveya nexşerêya dahatûyê sînor xêz kirin, Minbic jî di nav de ye."
Berdevka Wezaretê herwiha bi bîr xist ku ji bo berdewamkirina hevdîtinan, Wezîrê Derve yê Amerîkayê Mike Pompeo li benda hevdîtina li Washingtonê ya 4ê Hezîranê ligel Wezîrê Derve yê Tirkiyeyê Mevlut Çavuşoglu ye.
Nûçeya berê û ya piştre
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin