Li gorî çalakvanên Herêma Efrînê, roja Duşembiyê 29ê Cotmeha 2018ê  li gundê Goliya Jorîn mînek bi traktoreke çandiniyê de teqiya û di encam de kesekî canê xwe ji dest da. Herwiha ji ber teqîna mînê 2 kesên din jî birîndar bûn.

 

Li gor heman çalakvanan, welatiyê bi navê Elî Beşîr canê xwe ji dest daye û her du birayên wî birîndar bûne ku birînên yek ji wan pir giran in û her du lingên wî jê bûne.

 

Li gorî zanyariyan, dema her sê bira diçûne nav baxên xwe yên zeytûnan, mînek bi wan de teqiyabû.