Wezaretê Karanê Teberî yê Almanya beyan kerd ke  ganî Tirkîya qeraranê Mehkemeya Heqanê Merdiman ê Ewropa (MHME) cade û bêkêmî bîyaro ca.

Wezaretê Karanê Teberî yê Almanya derheqê 'Planê Çalakîyanê Heqanê Merdiman' ke Serekkomarê Tirkîya Erdoganî eşkera kerdbi, beyanatêk da. Wezaretî îfade kerd ke ganî Tirkîya 'cadê û bêkêmî' qeraranê MHMEî bîyaro ca. Wezaretî waşt wa  Osman Kavala û Selahattîn Demîrtaş bêrê veradayene.

Wekîlê Meclîsê Federalî yê Partîya Keskan Cem Ozdemîrî zî îzah kerd ke plano ke Erdoganî eşkera kerdo xapînayîş o. Ozdemîrî zî waşt ke wa qeararî bêrê caardene.

Wekîla Partîya Çepe Ozleme Alev Demîrle zî da zanayîş ke armancê nê planê Erdoganî 'xîretê xapînayîşê şarî yo.'