Wezareta Tendirustîyê: 254 kesên bi koronayê ketine
Wezareta Tendirustîyê Herêma Kurdistanê êvara îro roja pêncşemê derbarê amarên 24 saetên dawî yên nexweîya Koronayê de daxuyanîyek belav kir û ragihand 254 kesên din bi Koronayê ketine û 10 kes jî bi Koronayê mirine
A+A-
Wezareta Tendirustîya Herêma Kurdistanê aşkere kir 254 berketîyên nû yên bi vîrusa Koronayêhatine tomarkirin ku 73 kes li Hewlêrê, 86 kes li Silêmanî, 68 kes li Germîyanê, 23 kes li Raperînê û 4 kes jî li Duhokê ne.
Her li gor daxuyanîya Wezareta Tendirustîyê, di 24 demjimêran de 10 nexweşên din ên Koronayê canê xwe ji dest dane ku 5 li Silêmanî, 2 li Hewlêrê, 2 li Germîyanê û kesek jî li Raperînê bûye.
Herwiha hatîye belavkirin ku di dawîn 24 saetan de 86 kes piştî wergirtina çareserîya pizîşkî ji Koronayê baş bûne.
heta niha li Herêma Kurdistanê 6.657 kes bi Koronayê ketine û 2.164 berketîyên Koronayê baş bûne û 223 nexweşên Koronayê jî mirine.
Nûçeya berê û ya piştre
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin