Silêmanî | Sedema şerê navbera asayîşê û Pêşmerge eşkere bû

Silêmanî | Sedema şerê navbera asayîşê û Pêşmerge eşkere bû

.

A+A-

Sedema şerê ku îro 10ê Sibatê li Silêmaniyê di navbera karmendên asayîşa Silêmaniyê û hêzeke Pêşmerge de rû dabû û tevî birîndarbûna 5 kesan karmendekî asayîşê jiyana xwe ji dest dabû hat eşkerekirin.

Rêveberiya Asayîşa Silêmaniyê bi daxuyaniyekê ragihand: “Dema wesayîteke hêzên Pêşmerge derbas dibû, şerê devkî di navbera wan de derketiye û bi kêran êrîşî karmendên asayîşê hatiye kirin.”

Di daxuyaniyê de hat gotin: “Îro danê sibehê 10ê Sibata 2021ê li rêbendeke Tasluce, dema wesayîteke ser bi hêzên Pêşmerge derbas dibû, di navbera Pêşmerge û karmendên rêbendê de xeletfêmkirinek qewîmiye û bûye şerê devkî û ji aliyê Pêşmergeyan ve bi kêrê êrîşî çend karmendên asayîşê hatiye kirin û karmend hatine birîndarkirin. Mixabin karmendê asayîşa rêbenda Tasluce Şaxewan Ehmed Mehmûd, ji ber giraniya birînê, şehîd bû, pênc karmendên din jî birîndar bûn.”

Di daxuyaniyê de hatiye ragihandin: “Demildest lijneyek ji bo lêkolînê hat pêkanîn û her du aliyên ku bûne sedema derketina kêşeyê, bi biryara dadwer hatin girtin.”


 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin