Serekê Baroyê Amedî: Ganî heme dezgehê sivîlî seba kurdkî xebate bikê

Serekê Baroyê Amedî: Ganî heme dezgehê sivîlî seba kurdkî xebate bikê

Komîsyonê Ziwanî yê Baroyê Amedî mezunanê xo yê verênan rê sertîfîkayî vila kerdî. Serekê Baroyê Amedî Cîhan Aydin îfade kerd ke ganî heme dezgehê komelî yê sivîlî seba xebata Kurdkî xîret bikerê.

A+A-

Merkezê Xeberan - Komîsyonê Ziwanî yê Baroyê Amedî mezunanê xo yê verênan rê sertîfîkayî vila kerdî. Serekê Baroyê Amedî Cîhan Aydin îfade kerd ke ganî heme dezgehê komelî yê sivîlî seba xebata Kurdkî xîret bikerê.

 

Tahîr Elçîyo ke verê Mînareyê Çarlingî yê Sûrî de 4 serrî verê cû amebi qetilkerdene xebata Ferhengê Terîmanê Huqûqî yê Kurdkî dabi destpêkerdene. Baroyê Amedî xebate temam kerde û weşana. Baroyê Amedî do xebetanê xo yê kurdkî dewam bikero. Kursê kurdkî yê Komîsyonê Ziwanî yê Baroyê Amedî zî qedîya û mezunê ci zî sertîfakayê xo girewtî.

Serekê Baroyê Amedî Cîhan Aydinî derheqê xebatanê înan û kurdkî de qisey kerd. Aydinî vat: ''Kurdkî hetê qiseykerdişî ra her ke şino hîna tay yeno tercîhkerdene. Kurdkî binê tehlûkeyê vînbîyayîşî de ya. Vera polîtîkaya çinkerdişê kurdkî ganî kurdkî her warê cuye de bêra mojnayene.

Kursê ma ra 40 avûkatî mezun bîyî. Seba kursê ma eleqeyêko pîl estbi. Ma na xebata kursê kurdkî do dewam bikerê. Armancê ma yê bi na xebete no yo ke ma waşt kurdkî her ca de bi taybetî dezgehanê umûmîyan de biasa. Ganî her kes bifikîro û vajo ke 'Ez seba kurdkî eşkena se bikera?' Ganî pêro rêxistinanê karî, dezgehê komelkî yê sivîlî seba ke kurdkî verê çiman de biba xebate û xîret bikerê.  Tay projeyê komîsyonê ma estê. Ma wazenê ke raporêk amade bikerê û tede bimojnê ke kamyew qanûnî de mewzuatî de seba kurdkî astengî estê. Ameyox de zî ma wazenê ke seba ke kurdkî biba ziwanê perwerdeyî mîyanê komelî de yew hîsgerîye awan bikerê û bala rayaumûmîye biancê naye ser.''

 

Ev nûçe 146 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin