“Înisyatîfê ‎Seba Demirtaşî Azadî” seba azadîya hemserekê HDP yo verîn Selahattin Demirtaşî yo ke 3 serrîyo ke Hepisxaneyê Tîpa F a Edirne de hepsî yo, medyaya sosyale ser o kampanyayêk da dest pêkerdiş.‎

 
“Înisyatîfê ‎Seba Demirtaşî Azadî” ewro Sêşeme saete 18:00 seba azadîya Demîrtaşî kampanya dana dest pêkerdiş. Însiyatîfî derheqê kampanya de beyanat da û va: Kesê ke wazenê desteg bidî kampanya, eşkenê medyaya sosyale ser ra bi fotoğrafa xo heştega `#freeDemirtas` rê binusê û ‎pare bikê.‎
 

Însîyatîf vano; Kesê ke wazenê kampanya de ca bigîrê, wa kaxidê A4 se ro `#free Demirtaş` binusê û pa ‎kaxidî fotoğrafe biancê û ê fotografan bi haştaga `#free Demirtaş` pare bikê.‎ 

Heto bîn ra  ame aşkerekerdiş ke,  mîyanê “Înisyatîfê ‎Seba Demirtaşî Azadî” de nuştoxê şinasî ê sey Günter Wallraf, rêxistinê komelê sîvîlî, rojnameger, akademisyen, siyasetmedar û birayê ey ‎Suleyman Demirtaş zî esto.‎
 

Hemserekê HDP yo verîn  Selahattin Demirtaş serra 2016î ra nata hepisxane de yo û Hepisxaneyê Tîpa F a Edirne de maneno. ‎