Rojavayê Kurdistanê- Şewata zevîyên kurdan berdewam dike

Rojavayê Kurdistanê- Şewata zevîyên kurdan berdewam dike

Roja sêşemê 19.05.2020an komên çekdar îro jî li çend bajarên kurdan zevîyên kurdan şewitandine.

A+A-

Navenda Nûçeyan - Li gor zanyarîyan tîmên agirkujîyê yên li navçeya Til Birak û kantona Hesekê şewatên bi zevîyan ketin, vemirandin û ji ber şewatê zêdetirî 270 donim genim û ceh şewitî.

Tîmên agirkujîyê yên navçeya Til Birak a kantona Qamişlo îro bi hevkarîya şênîyan şewata ku di nava zevîyên çandinîyê yên gundê Xirbet Dahir ê nêzî bajarokê Girbawî de pê ket, vemirand. Agir nêzî 60 donim jî ceh şewitand.

Herwiha tîmên agirkujîyê şewata ku li gundê Reşo yê girêdayî navçeya Til Birakê çêbû, vemirand û nêzî 100 donim ceh ê welatîyê Cûma Remê şewitî.

Ji ber sedemên ne dîyar şewat di nava zêdetirî 110 donimî li cihên cuda yên parêzgeha Hesekê de çêbû û ji alîyê tîma agirkujîyê ve şewat hat vemirandin.

Li gorî rêveberîya giştî ya Desteya Jîngeh û Şaredarîyan cih û miqarên şewitîne wiha ye û hemû ji ber sedemên ne dîyar in:

Herwiha çend roje çekdarên bi navê Artêşa Nîştimanî ya Sûrîyê ku di bin kontrola Tirkîyê  de zevîyên li gundewarên rojava û bakurê navçeya Til Temirê dişewitînin. Çekdaran zevîyên gundên Menacîr û Ehras ên rojhilat û başurê Serêkanîyê û gundên Lîlan û Dibse yên li navçeya Til Temirê şewitandin.

Şênîyên li gundewarên navçeyên Til Temir û Zirganê yên bi ser enîyên şer ve li ser şewata mewsima xwe metirsîdar in. ŞÊnîyê bi navê Mensûr Îsa yê ji gundê Til Tewîl ê girêdayî Til Temirê yê nêzî enîya şer got ew wek sivîl bi sedema gefên şewatê li dijî berhemên wan ên çandinîyê ku qûta jîyana wan e, metirsîdar in.

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin