Piştî peyama Mesrûr Barzanî hikûmeta Iraqê biryarek kirîtkî da

Piştî peyama Mesrûr Barzanî hikûmeta Iraqê biryarek kirîtkî da

Wezareta Dad ya Iraqê biryar da tevahiya girêbestên çandiniyê û zeviyan yên ku di dema Sedam Husên de hatine tomarkirin, li deverên Kurdistanî bên hilweşandin.

A+A-

Piştî ku Serokwezîrê Herêma Kurdistanê Mesrûr Barzanî peyameka tund li ser rewşa deverên Kurdistanî yên li derveyî Herêma Kurdistanê û hewlên guhertina demografiya wan deveran ji aliyê erebên hawirde ve belav kir, wezareta dad ya Iraqê bi derxistina biryarekê bersiva peyamê da.

Wezareta dad ya Iraqê ragihand, biryar dane tevahiya girêbestên çandinî û zeviyan, yên ku dikevin nav madeya 140 ya Destûra Iraqê û li ser bingeha guhertina demografiyê li parêzgehên Neynewa, Selahedîn, Kerkûk, Diyale, Necef, Kerbela û Enbarê hatine tomarkirin, bên hilweşandin heta encumena wezîran ya Iraqê çareyekê ji wan arîşeyan re dibîne.

Bi vî rengî, êdî erebên hawirde dê nekaribin bi hêsanî zevî û gundên kurdan li deverên Kurdistanî dagîr û zeft bikin.

 

Ev nûçe 153 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin