PAKî Batman de Şêx Ebdirrehîm yad kerd

PAKî Batman de Şêx Ebdirrehîm yad kerd

Vizer (17.07.2019) şûbeyê Batmanî yê PAKî bi minasebetê serrgêra şehadetê ey a 82ine de gorê Şêx Ebdirrehîmî ziyaret kerd û o yad kerd.

A+A-

Vizer (17.07.2019) şûbeyê Batmanî yê PAKî bi minasebetê serrgêra şehadetê ey a 82ine de gorê Şêx Ebdirrehîmî ziyaret kerd û o yad kerd.


Mele İmadeddinî bi kilmkî behsê hedîse kerd, seba şehîdan dua wend û dima ra şîîrêk wend.


dima ra Serekê Şaxa PAKî yê Batmanî Aziz Özdemir bi kilmkî  qala Şêx Ebdirrehimî kerd û wina va: 


Şêx Ebdirrehim serra1897î de dewa Xinisî Kolhîsar de ameyo dinya. Kalikê ey Şêx Elî Septî nexşîbendî yo û herêma Meletî, Xarpêt, Erzirom, Amed, Çewlig û Muş de mesûlê medreseyan bi. Bavê Şêx Ebdirrehimî Şêx Mahmut Fevzî yo û o zî lajê Şêx Elî Palewî bi. Birayê Şêx Seîdî yo en qij bi.


Ey hereketê neteweyî yê 1925î de ca girewto û hetanî peynî hêzanê çekdarî rê serekî kerdo. Her çiqas hereketê neteweyî yê 1925î sernêkewt zî bi qehremanî tekoşînê xo domnayo. Şêx Ebdirrehim hetanî 1937î Rojavayê Kurdistanî de maneno.


Serra 1937î de Xoverrodayîşê Dersîmî dest pêkeno û Şêx Ebdirrehim pa hevalanê xo seba ke hetkarî bido xoverrodayîşî, Rojavayê Kurdistanî ra verê xo dano Dersîm. Wexto ke yenê dorûverê dewa Bismilî Sînan de dewleta casusanê xo ra pêhesîyena ke Şêx Ebdirrehim û hevalê xo amê Bakurê Kurdistanî.  Xora casus mîyanê înan de bi û namê ey Yuzbaşî Zîya Dêrsimî bi. Bi xayîntîya xaîn û sîxuran(Yuzbaşî Zîya Dersîmi, Muxtarê dewa Salatê û sîxur Emerê Koperî) Alayê Dîyarbekirî û Merdînî dorûverê înan gênê û şer û Pêrodayîş vejîyeno.


Şer û pêrodayîş xeylê wext dewam keno û eskerê tirkan adir verdenê hêgayan. Û ê qehremanê Kurdistanî şehîd benê. Goro ke texmîn beno 17ê Temmuze de dormeleyê înan yenê girewtiş şer û pêrodayîş di-sê rojî dewam keno.


Dewa Mirkulanî de Şêx Mehmet Can (Homa ey ra razî bo) dewanê binan xeberdar keno û û bi merasimêko pîl Şêx Evdirrehim defn kenê. Dim ara qereqola Bismilî yena mezelê Şêx Ebdirrehimî şiknena. La bi Şêx Mehmet Can vano ”Qey homayî, wa gorê nê ercîyayî her tim bellû bibo, vindî nêbo” û pê wayîr vejîyeno. Wesîyetê ey ameyo ca û ma nika mezelê ey ser o yê ….."

Serekê Şaxa PAKî yê Batmanî Aziz Özdemirî wina dewam kerd:


Qey hemayî wa kurdî tarîxê xo nas bikê, wa xo nas bikê û wa yewbînan ra hes bikê.


Şêxê mi, Şêrê Pîranî ma zanê ke şima nika kişta Şêx Seîd û Seyît Rizayî de yî.
Şêxê mi, Fedaîyê Kurdistanî, a bayraqa ke destê şima de bî, nika destê tornanê şima de ya.   Nika parlamentoyê Kurdistanî de Hewlêr de têraşîyena. Şêxê mi, hêvî û xeyalê şima û 50 milyon kurdan yenê ca û Kurdistan vera-vera bena dewletêk. 


Em Şêx Ebdirrehîm û hevalanê ey bi hurmet yad kene

Şehîdê 17.07.1937 wina yê:


1-Şêx Evdirehimê Paloyî
2-Şêx Mizbeh Qamişlo
3-Cemîlê Seyda Lîcî
4-Hecî Teyîp Lîcî
5-Xalid Şerîf Lîcî
6-Evdilsemed Lîcî
7-Mihemedê Xatê Lîcî
8-Mele Hemdullah Lîcî
9-Selahaddin Seyîdxan
10-Huseyîn Beg Sawur(yuzbaşi)
11-Elî Beg Sawur(yuzbaşî)
12-Mistafa Beg Sawur(yuzbaşî)
13-Hesen Axayê Paloyî
14-Silê Solikî Merdîn
15-Serres Baxistanî
16-Hilmî Begê Muşî
***Zîya Begê Dersîmî(yuzbaşî) (no cehşo xaîn hevalê xo gerre kerdî û bîyo sebebê şehadetê înan.)17.07.2019
 

Ev nûçe 223 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin