PAK: Şorişê Îlone Her Çar Hetê Dinya De Newe Ra Adirê Xohesyayîşê Kurdayetî Wekerd

PAK: Şorişê Îlone Her Çar Hetê Dinya De Newe Ra Adirê Xohesyayîşê Kurdayetî Wekerd

Ewro serrgêra Şorişê Îlone ya 58in a. 11ê îlona 1961î de bi rayverîya Mele Mustafa Barzanî û Partîya Demokrat a Kurdistanî, şarê ma yê Vaşûrê Kurdistanî vera Dewleta Iraqî serewedarit.

A+A-

Ewro serrgêra Şorişê Îlone ya  58in a. 11ê îlona 1961î de bi rayverîya Mele Mustafa Barzanî û Partîya Demokrat a Kurdistanî,  şarê ma yê Vaşûrê Kurdistanî vera Dewleta Iraqî serewedarit. 

 

Wexto ke xoverrodayîşê Dêrsimî bi jenosîdêko pîl qedîya û Komara Kurdistanî(Komara Mehabadî) amey rijnayîş, dima ra gelêk wexto derg hewrê sîyayî, bêvengî û  şikîyayîşêko pîl xo verda serê asmênê  her çar perçeyanê Kurdistanî . 

 

Şorişê îlone, sey pêl û firtoneyêko xurt û pîl bi. Coka ê hewrê sîyayî asmênê her çar perçeyanê Kurdistanî ra vila bîyîd; hêvî û hîs û vîr  û bawerîya netewî, niştimanî reyna her çar perçeyanê Kurdistanî de xo da teber. 

 

Şorişê îlone şorişê her çar perçeyê Kurdistanî bi. Şorişê îlone  her çar perçeyanê Kurdistanî û her çar hetê dinya de newe ra adirê xohesyayîşê Kurdayetî wekerd. 

 

Şorişê Îlone 9 serre dewam kerd. Xoverrodayîşê şarê ma yê qehremananî ra dima Dewleta Iraqî gama xo peyser ant û mecbur mend ke Mele Mustafa Barzanîyî reyde ronişo.

 

Roja 11.03.1970 de Rayvertîya Şorişê Başûrê Kurdistanî(Partîya Demokrat a Kurdistanî) û Dewleta Iraqî(Partîya Baasî) pê kerdì Soznameyê Otonomî  îmza  bi. Bi no qayde şarê Kurdistanî hetê îdarî, siyasî, ekonomî û kulturî ra ame naskerdiş û sîstemê otonomîyî yan zî sîstemê xorayberdişî ame awankerdiş. 

 

Ma serrgêra Şorişê Îlone ya 58ine de bi hîs û vîr  û bawerîyê xo yê netewî, niştimanî Şorişê Îlone sey şorişê xo vînenê û Mele Mustafa Barzanîyê qehremanî û  heme şehîd û kedkaranê Şorişê îlone bi hurmet yad kenê. 

 

11.09.2019 

Buroya Çapemenî û Têkilî ya PAKî

 

 

Ev nûçe 0 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin