Malbata Demîrtaş di rêya zîndanê de qeza kir

Malbata Demîrtaş di rêya zîndanê de qeza kir

Malbata hevserokê berê yê HDPê Selahedîn Demîrtaş ku ji bo dîtina wî diçûn girtîgeha Edirneyê, di rê de qeza kirin.

A+A-

Navenda Nûçeyan- Otomobîla malbata Demîrtaş li qezaya Çorlu ya ser bi parêzgeha Tekîrdag a Tirkîyê ve tûşî bûyera trafîkê bûye.

Li gor zanyarîyên destpêkê, di encama bûyerê de 5 kes birîndar bûne, ku 4 kes ji wan ji malbata Selahedîn Demîrtaş in.

 Her li gor van agahîyan, dayik û bavê Selahedîn Demirtaş, Sadîye Demîrtaş û Tahir Demîrtaş û hevjîna wî Başak Demîrtaş û xwîşkeka wî birîndar bûne.

Ajovenê otomobîlê yê bi navê Ozkan Yalgi jî di bûyerê de birîndar bûye.

Li gor agahîyan, her 5 kesên birîndar bo Nexweşxaneya Dewletê ya Çorluyê hatine veguhastin û piştî wergirtina çareserîyên destpêkê, rewşa dayik û bavê Demîrtaş baş e.

Partîya Demokratîk a Gelan (HDP) jî derbarê bûyerê de daxuyanîyek nivîskî weşand.

Navenda Ragihandinê ya HDPê di daxuyanîya xwe de amaje bi wê yekê kirîye, ku malbatê ji bo serdan û hevdîtina bi Selahedîn Demîrtaş re ber bi Edirenyê ve ketibûne rê ku di rê de otomobîla malbata Demîrtaş rastî bûyereke trafîkê hatîye.

HDPê jî dîyar kirîye, ku birîndar bo nexweşxaneyê hatine rakirin û destnîşan kirîye, ku rewşa hemûyan baş e.

HDPê herwiha daye xuyakirin, ku herdu hevserokên wê partîyê Pervîn Buldan û Sezai Temellî ji bo serdankirin û ji nêzîk ve şopandina rewşa birîndarên malbata Demîrtaş ber bi Edirneyê ve birêketine.

Ev nûçe 180 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin