Li Hewlêrê merasimek bo bibîranîna dost û “dayîka kurdan” hat lidarxistin

Li Hewlêrê merasimek bo bibîranîna dost û “dayîka kurdan” hat lidarxistin

Li bajarê Hewlêrê, merasimek bo bibîranîna dost û “dayka kurdan” Danielle Mitterrand hat lidarxistin.

A+A-

Navenda Nûçeyan- Sibê (22 Mijdarê) heştemîn salvegera wefata dosta kurd û hevjîna serokê berê yê Fransa François Mitterand, Danielle Mitterrand e.

Danielle Mitterrand dosta kurdan bû û ji ber alîkarî û piştevanîya kurdan wek “dayka kurdan” tê naskirin.

Bi helkefta salvegera wefata wê jina hêja û bibîranîna wê, îro li Hewlêrê merasimek hat lidarxistin.

Di merasimê de, ku ji alîyê dezgeha “Reg” ve hatibû organîzekirin, konsolê Fransa li Herêma Kurdistanê, parêzgarê Hewlêrê Firset Sofî, komek parlementerê, nivîskar û rewşenbîr beşdar bûn.

Serokê yekitîya parlementerên Kurdistanê, Cemal Qasim di merasimê de axivî û got, gelek dost û xemxorên kurdan hene û hebûne. Yek ji wan jî xanima hêja Danielle Mitterrand bû. Ew xanima hêja pir di xema kurdan de bû û di warê navdewletîkirina doza kurd de rolek aktîf lîst.

Qasim Cemal her wiha got, Danielle Mitterrand bi alîkarîya hevjînê xwe François Mitterrand, ku wê demê serokê Fransa bû, karîn civaka navdewletî razî bikin ku navçeya dijîfirrînê li ser Herêma Kurdistanê ava bikin. Ji ber wê jî em hurmeta keda wê digirin û bi qedirxanî wê bibîr tînin.

Piştî merasima bibîranîna Danielle Mitterrand, panêlek jî li ser rola Fransa di alîkarîkirina Kurdistanê de hat lidarxistin.

Danielle Mitterrand sala 1924 li Parîsê ji dayîk bibû. 22 Mijdara 2011 jî wefat kir.

Çavkanî: Basnews

 

Ev nûçe 157 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin